Les mots surlignés font l'objet d'une note
1Reçue à Grenoble, le 20 mars 1573. Répondue.
2Monseigneur, je vous remercye très humblement lhonneur quil
3vous plait me faire en me despartant de voz nouvelles pour
4lesquelles je vous direy quil est vray suyvant ce que m'escrivez
5que ceulx de la pretendue religion en font bien courir de contraires,
6mais aussi que ce ne sont eulx seullement, ains des aultres
7desquelz jen ay receu ces jours passés de toutes semblables;
8ce neantmoingz je scay que cest à vous à qui il me fault
9tenir comme je faye, ayant assez dexperience comme ce quil
10vous plait descrire se treuve tous jours veritable. Au
11demeurant, monsegneur, jestime que vous aurez jà sceu
12comme lundy dernier se treuvarent dix huit ou vingt
13des principaulx huguenaultz de La Breoulle et aultres lieux
14de ces environs au lieu de Corp où, selon quil ma esté rapporté,
15ilz tindrent quelque propos avec contenance de voulloyr
16remuer plustost que de se contenir; de sorte que, joinct
17à ce, la prinse des champs daulcuns de noz catholisez
18et lattemptat que font aulcuns des aultres de faire le
19semblable conjoinctement à quelque advis que nous
20avons dailleurs, nous doubtant quilz ne soyent
21aussi prestz à sesmouvoyr que le temps du renouveau
22où nous sommes, et à ce propos sera esmouvoyr
23les humeurs de quoy ayant quelque descouverte
24plus grande, je ne fauldrey vous donner advis; et
25cependant, en saluant, monsegneur, vos bonnes graces de
26mes très humbles recommandations, je prie Dieu vous
27voulloyr donner
28Monsegneur en parfaicte santé très heureuse et
29longue vie. De Gap, le XVIIIe de mars 1573
30Vostre très humble et plus obeyssant
31serviteur b: Olier
32Chappan a baillé causion
33Bovoy et ung autre.